Suedi,mbretëresha plagoset pas incidentit me paparacin
Mbretëresha Silvia e Suedisë u plagos në këmbë dhe në kyçin e dorës në fillim të javës në përpjekje për t'i shpëtuar një fotografi të tabloidit suedez Aftonbladet në New York, njoftoi sot Pallati mbretëror.
Bashkëshortja e mbretit Carl XVI Gustaf 67- vjeçe, ishte duke bërë pazar të hënën me vajzën e saj të vogël, princeshën Madeleine, kur u përballën me një fotograf i cili nuk deshi t'ia dinte për kërkesën e tyre për t'i lënë të qeta, shpjegoi pallati.
"Mbretëresha zgjodhi të kalonte nga një derë e shërbimit dhe të nxitonte drejt makinës së saj të parkuar për t'i shpëtuar fotografit i cili e ndiqte pas. Atëherë mbretëresha u rrëzua dhe u plagos në këmbë dhe në kyçin e dorës",- citohet në një komunikatë të pallatit mretëror.
E përditshmja Aftonbladet, e cila nxjerr përfitime bashkë me rivalin e saj Expressen nga fakte dhe gjeste të familjes mbretërore, njoftoi sot nëpërmjet kryredaktorit të saj "se shpreh keqardhjen për incidentin", ku u përfshi një fotograf i pavarur.
Burimet redakto
- "Suedi,mbretëresha plagoset pas incidentit me paparacin" — BalkanWeb, 06. Prill 2011
