Obama denon sulmin ne Pakistan
Presidenti amerikan, Barack Obama ka dënuar sulmin terrorist në Veriperëndim të Pakistanit si "të neveritshëm". Të vrasësh civilë do të thotë të kryesh një sulm kundër të gjithë popullit të Pakistanit dhe njerëzimit, tha Obama nga Honoluluja, vendi ku aktualisht po kalon pushimet. Nga sulmi i një atentatoreje vetëvrasëse në një kuzhinë për të varfrit të programit të OKB-së për ushqimin, në qytetin Khar humbën jetën 45 vetë dhe u plagosën më shumë se 100 vetë.
Organizata radikal-islamike e talibanëve mori përsipër përgjegjësinë për atentatin. Ndërkohë organizata e OKB-së për ushqimin ndërpreu ndihmat në artikuj ushqimorë për rajonin e Kharit.
Burimet
redakto- "RTSH.al" — 26. Dhjetor 2010
