Miratohet marreveshja atomike ShBE-Russi

Senati amerikan më në fund ratifikoi traktatin e ri për armatimin me Rusinë të ashtuquajtur START. Projekti me rëndësi qendrore për politikën e jashtme të presidentit Obama, arriti të sigurojë dy të tretat e nevojshme të votave, pasi 13 senatorë republikanë iu bashkuan senatorëve demokratë.

Gjithsej pro marrëveshjes votuan 71 ndërsa kundër ishin 26 senatorë. Marrëveshja e re START parasheh pakësimin e kokave bërthamore në maksimalisht 1550 për vend.

Përveç kësaj duhet të ngrihet një sistem për vëzhgimin reciprok të arsenalit të armatimit. Kancelarja gjermane Angela Merkel e quajti ratifikimin e marrëveshjes "një hap të rëndësishëm në zhvillimin e një partneriteti të vërtetë me Rusinë". Kjo marëveshje ishte nënshkruar nga presidentët Barak Obama (SHBA) dhe Dmitri Medvedev (Rusi), në muajin prill të këtij viti në Pragë të Çekisë.

Burimet

• "RTSH.al" —  23. Dhjetor 2010