Minsk:Lukashenko fiton per here te katert

Autoritetet në Belarus thonë se presidenti aktual, Aleksander Lukashenko, ka fituar bindshëm në zgjedhjet e djeshme presidenciale, duke e fituar edhe mandatin e katërt. Këto zgjedhje ishin të përshkruara me burgosje të kandidatëve opozitarë dhe me përleshje ndërmjet policisë dhe demonstruesve. KQZ sot herët në mëngjes, i paraqiti rezultatet zyrtare, duke thënë se autoritari Lukashenko, që ishte president prej vitit 1994, ka fituar në zgjedje me 79,67%.

Më herët raportohej se së paku tre kandiatë opozitarë, që garonin kundër rivalit Lukashenko, ishin arrestuar nga autoritetet, ndërsa sipas raporteve të pakonfirmuara, kandidati i katërt, Vlladimir Neklyajev, ishte larguar nga personeli i sigurisë nga një spital, ku ai ishte trajtuar për shkak të lëndimeve, që i kishte marrë gjatë përleshjeve me policinë.

Edhe pas zgjedhjeve presidenciale në vitin 2006 disa mijëra vetë patën protestuar ditë me radhë në Minsk kundër rezultatit të zgjedhjeve dhe i patën akuzuar autoritetet për manpulim të votave. Disa e përshkruajnë Lukashenkon si "diktatorin e fundit të Evropës".

Burimet

• "RTSH.al" —  20. Dhjetor 2010