Libi - Roma: Armatosja e rebelëve masë ekstreme

Statusi: E mbaruar 30 Mars 2011 20:03 (CEST)
Ju lutem mos bëni asnjë ndryshim thelbësor. Keni ndonjë opinion për këtë lajm? Postojeni!


Armatosja e rebelëve libianë do të ishte një masë ekstreme dhe që mund të çonte në përçarjen e komunitetit ndërkombëtar, u shpreh sot në Romë zëdhënësi i Ministrisë së Jashtme italiane, Maurizio Massari. "Armatosja e rebelëve do të ishte një masë e polemizuar, një masë ekstreme që do të përçante me siguri komunitetin ndërkombëtar", deklaroi Massari në Radioanch'io.

Muammar al-Gaddafi

Çështja e armatimit të rebelëve për ta detyruar liderin libian Muamar Kadafi të largohet, u trajtua dje në Londër gjatë mbledhjes së grupit të kontaktit për Libinë.

Franca u shpreh e gatshme, nëpërmjet ministrit të saj të Jashtëm, Alain Juppé, të diskutojë me aleatët e saj për një ndihmë ushtarake për rebelët, duke pranuar në të njëjtën kohë se kjo nuk ishte parashikuar në rezolutat e fundit të OKB-së. I pyetur për këtë çështje në NBC, presidenti amerikan Barack Obama u përgjigj: "Nuk e përjashtoj. Por nuk them as se kjo do të bëhet".

Shefi i diplomacisë italiane, Franco Frattini, bëri të ditur se në konferencën e Londrës është arritur një konsensus për thënë se "Kadafi duhet të largohet nga vendi".

Shih dhe këtë redakto

  • Libi - Roma: Armatosja e rebelëve masë ekstreme (30.03.2011)

Burimet redakto